M20 ນາງ ສຸຕິລັກ ອິນທະວົງ ຄອງມົງກຸດ Miss laos 2015 (23-11-2015)
ຄືນວັນທີ 21 ພະຈິກຜ່ານມາ, ການປະກວດຮອບສຸດທ້າຍຂອງນາງສາວລາວປະຈຳປີ 2015, ໄດ້ມີຂຶ້ນໃນຄໍ່າຄືນວັນທີ 21 ພະຈິກນີ້, ທີ່ໂຮງແຮມດອນຈັນ ພາເລດ ນະຄອນຫລວງວຽງຈັນ, ໂດຍມີທ່ານລັດຖະມົນຕີຊ່ວຍວ່າການກະຊວງຖະແຫລງ ຂ່າວ, ວັດທະນະທຳ ແລະ ທ່ອງທ່ຽວ, ເລຂາຄະນະບໍລິຫານງານສູນກາງຊາວໜຸ່ມ ປະຊາຊົນ ປະຕິວັດລາວ, ພ້ອມດ້ວຍຄະນະກຳມະການຜູ້ຊົງຄຸນນະວຸດທິ ແລະ ມວນຊົນເຂົ້າຮ່ວມຊົມເປັນຈຳນວນຫລາຍ. ການປະກວດນາງສາວລາວປະຈຳປີ 2015 ອັນດັບທີໜຶ່ງ ໄດ້ແກ່ M20ນາງ ສຸຕິລັກ ອິນທະວົງ ຕົວແທນຈາກນະຄອນຫລວງວຽງຈັນ ຄອງຕຳແໜ່ງອັນຊົງກຽດ ເປັນນາງສາວລາວປະຈຳປີ2015 (Miss Laos) ໄດ້ຮັບລົດໃຫຍ່ເຊບໂລເລັດ ສະປາກ ມູນຄ່າ 130 ລ້ານກີບ 1 ຄັນ, ເງິນສົດ 50 ລ້ານ ກີບ, ມຸງກຸດເພັດ ມູນຄ່າ 30 ກວ່າລ້ານກີບ, ສາຍສະພາຍເງິນ, ຊຸດຄຳໜັກ 2 ບາດ, ບັນຊີເງິນຝາກທະນາຄານຮ່ວມພັດທະນາ 10 ລ້ານກີບ ແລະ ຂອງລາງວັນຈາກຜູ້ໃຫ້ການສະໜັບສະໜູນອີກຈຳນວນໜຶ່ງ ແລະ ຍັງໄດ້ຮັບຕຳແໜ່ງນາງສາວສຸຂະພາບດີ ໄດ້ຮັບເງິນສົດ 5 ລ້ານກີບ, ຮອງອັນດັບທີໜຶ່ງ ໄດ້ແກ່M18 ນາງ ປູລັດດາ ສາຍດອນໂຂງ ຕົວແທນຈາກ ແຂວງອັດຕະປື ໄດ້ຮັບເງິນສົດ 30 ລ້ານກີບ ພ້ອມສາຍສະພາຍເງິນ, ບັນຊີເງິນຝາກ 5 ລ້ານກີບ ແລະ ຂອງລາງວັນອື່ນໆ, ພ້ອມທັງໄດ້ຮັບຕຳແໜ່ງນາງສາວຂວັນໃຈຊ່າງພາບ ແລະ ນາງສາວຂວັນໃຈມະຫາຊົນ ຕຳແໜ່ງລະ 5 ລ້ານກີບ, ຮອງອັນດັບທີສອງ ໄດ້ແກ່M11 ນາງ ອານິດາ ມິ່ງບຸບຜາ ຕົວແທນຈາກ ແຂວງຫລວງພະບາງ ແລະ M5 ນາງ ທິດດາວັນ ບຸນຍາລິດ ຕົວແທນຈາກ ແຂວງຈຳປາສັກ ໄດ້ຮັບເງິນສົດຜູ້ລະ20 ລ້ານກີບ, ພ້ອມສາຍສະພາຍເງິນ, ບັນຊີເປັນຝາກທະນາ ຄານຮ່ວມພັດທະ ນາ 5 ລ້ານກີບ ແລະ ຂອງລາງວັນອື່ນໆ ແລະ ຮອງອັນດັບສາມ ໄດ້ແກ່ M3ນາງ ເພັດມະນີ ພິລາຄົງ ຕົວແທນຈາກນະຄອນ ຫລວງວຽງຈັນ, ໄດ້ຮັບເງິນສົດ 10 ລ້ານກີບ ພ້ອມສາຍສະພາຍ, ເງິນຝາກບັນຊີທະນາຄານຮ່ວມພັດ ທະນາ 5ລ້ານກີບ ແລະ ຂອງລາງວັນຈາກຜູ້ໃຫ້ການສະໜັບສະໜູນອີກຢ່າງຫລວງຫລາຍ. ນອກຈາກນີ້ M9 ນາງສາວ ມາລິນີ ອິນທະວົງ ຕົວແທນຈາກນະຄອນຫລວງວຽງຈັນ ໄດ້ຮັບຕໍາແໜ່ງນາງສາວມິດຕະພາບ, M12 ນາງ ກິຕ້າ ລັດຕະນະວົງ ຕົວແທນຈາກແຂວງວຽງຈັນ ໄດ້ຮັບຕຳແໜ່ງນາງສາວໜ້າໃສສຸຂະພາບດີ ໄດ້ຮັບເງິນສົດຜູ້ລະ 5 ລ້ານກີບ ແລະ ຂອງລາງວັນຕ່າງໆຢ່າງຫລວງຫລາຍ. ໂຄງການປະກວດນາງສາວລາວ ໄດ້ເລີ່ມຂຶ້ນແຕ່ວັນທີ 24 ຕຸລາ 2015, ໂດຍມີຈຸດປະສົງໃຫ້ຜູ້ທີ່ເຂົ້າຮ່ວມປະກວດໄດ້ມີໂອກາດຮຽນຮູ້ວັດທະນະທຳ, ກິລິຍາມາລະຍາດ, ຮີດຄອງປະເພນີ, ເສີມສ້າງຄວາມຮູ້ຮອບຕົວ, ການນຸ່ງຖືຕະຫລອດຮອດວິທີການແຕ່ງຕົວ, ການຮັກສາສຸຂະພາບ ແລະ ອື່ນໆ, ຊຶ່ງນາງສາວທີ່ໄດ້ຮັບຕຳແໜ່ງອັນຊົງກຽດນີ້ ຍັງຈະໄດ້ປະກອບສ່ວນເຂົ້າໃນການພັດທະນາເສດຖະ ກິດ-ສັງຄົມໄລຍະໃໝ່, ທັງເປັນການສົ່ງເສີມຄຸນລັກສະນະ ພ້ອມທັງກິລິຍາມາລະຍາດຂອງແມ່ຍິງລາວໃຫ້ສົມກັບເປັນຜູ້ສືບທອດ ແລະ ເຜີຍແຜ່ວັດທະນະທຳລາວ ໃຫ້ກັບຕ່າງປະເທດໄດ້ຮັບຮູ້ຄວາມເປັນລາວ, ສົມກັບເປັນຜູ້ທີ່ໄດ້ຮັບການຝຶກຝົນຫລໍ່ຫລອມພື້ນຖານວັດທະນະທຳຂອງລາວມາແຕ່ບູຮານນະການຄື: ງາມທັງກາຍ, ທັງຈິດໃຈ, ມາລະຍາດວາດຊົງ, ຄວາມອ່ອນນ້ອມຖ່ອມຕົນ, ຄວາມເອື້ອ ເຟື້ອເຜື່ອແຜ່, ຄວາມດຸໝັ້ນອົດທົນ, ມີຄວາມຮູ້ສາມາດ, ຄວາມບໍລິສຸດຈົງຮັກພັກດີຕໍ່ຄອບຄົວ ແລະ ປະເທດຊາດ ທັງເປັນການຂຸດຄົ້ນຄວາມສາມາດທີ່ບົ່ມຊ້ອນ ແລະ ຫົວຄິດປະດິດສ້າງຂອງເອື້ອຍນ້ອງແມ່ຍິງລາວບັນດາເຜົ່າ ໃນຂອບເຂດທົ່ວປະເທດຢ່າງແທ້ຈິງ.
ຂ່າວອື່ນ
-
M20 ນາງ ສຸຕິລັກ ອິນທະວົງ ຄອງມົງກຸດ Miss laos 2015
ມື້ໂພສ: 23-11-2015 - ຄົນເບິ່ງ: 1039ຄືນວັນທີ 21 ພະຈິກຜ່ານມາ, ການປະກວດຮອບສຸດທ້າຍຂອງນາງສາວລາວປະຈຳປີ 2015... -
ເງິນ 100,000 ກີບ ຈະຊື້ລົດໃຫຍ່ໄດ້ຈັ່ງໃດ?
ມື້ໂພສ: 13-06-2015 - ຄົນເບິ່ງ: 679ເງິນ 100,000 ກີບ ຈະຊື້ລົດໃຫຍ່ໄດ້ຈັ່ງໃດ? -
ຄວາມຫວັງສຸດທ້າຍທີ່ເຫຼືອຢູ່
ມື້ໂພສ: 13-06-2015 - ຄົນເບິ່ງ: 534ຄວາມຫວັງສຸດທ້າຍທີ່ເຫຼືອຢູ່ -
ດື່ມກາເຟແບບໃດໂດຍບໍ່ເສຍສຸຂະພາບ
ມື້ໂພສ: 02-06-2015 - ຄົນເບິ່ງ: 685ພະນັກງານຫ້ອງການຫລາຍຄົນເຊົ້າມາກໍກາເຟໜຶ່ງຈອກຕົກສວາຍໆຢາກນອນອາດຈະມີອີກໜຶ່ງຈອກຫລືຖ້າຄືນໃດຕ້ອງຢູ່ເຮັດໂອທີຫລືກຽມພີເຊນຈົນເດິກອາດຈະມີຈອກທີ່ສາມ ເຊື່ອວ່າທຸກຄົນຮູ້ດີວ່າການດື່ມກາເຟຫລາຍເກີນໄປເປັນຜົນເສຍຕໍ່ຮ່າງກາຍທັງນອນບໍ່ຫລັບ,ຫົວໃຈເຕັ້ນໄວຜິດປົກກະຕິ -
ເຈນນີເຟີຣ໌ ໂລເປຊ ໃນຊຸດເດຣສສີຂາວ ເກີດຫຍັງຂຶ້ນກັບຊຸດນີ້ ຈຶ່ງຕ້ອງເຮັດໃຫ້ທ່ານຜູ້ຊົມກັບຕ້ອງຕະລືງ!!!
ມື້ໂພສ: 01-01-1970 - ຄົນເບິ່ງ: 828ເປັນກະແສມາແຮງສໍາລັບຊຸດ ສຸດອະລັງການຂອງນັກຮ້ອງ ເຈນນີເຟີຣ໌ ໂລເປຊ ທີ່ຂຶ້ນໄປໂຊຮ້ອງເພງ Feel the Light ເທີງເວທີອາເມລິກັນ ໄອດອລ ຊຶ່ງເຮັດໃຫຜູ້ຊົມເຖິງກັບຕ້ອງຕະລືງ ໃນຄວາມງົດງາມຂອງຊຸດນີ້ ມັນຈະອະລັງການສຸດຍອດຂະໜາດໃດສໍາລັບຊຸດດັ່ງກ່າວວ່າມັນຈະປັນປນວໃດເຮົາມາຊົມພ້ອມໆກັນເລີຍ!